السلام عليكم ورحمة الله وبركاتة
احبتى فى الله موضوع النهاردة خاص بسلامة الاكل صحة
فايدة الاكل وسلامتة مش فى الاكل نفسة بس لاء الموضوع بيبتدى من اول ما بتشترى الاكل و طريقة تخزينة و تحضيرة لحدما تحطة على السفرة
وهوة دة اللى هانتكلم علية النهاردة
سلامة الاكل هانلخصهافى حوالى 4 نقط
الأدارة
الاكل
المعدات والادوات المستعملة
تحليل المخاطر والتحكم فى النقط الحرجة
__________________________________________________________________________________
الأدارة (المدير -مخاطر الاكل -الامراض الناتجة من الاكل - صحة العمال )
المدير
انت لو مدير فى مطعم او فى اى مكان بيقدم اكل او حتى ربة منزل انت مش مسؤل ان المكان بيكسب فلوس بس او بيكسب قد اية لاء انت مسؤل عن سلامة الاكل اللى بيتقدم للزباين ازاى يكون نضيف يكون سليم يتحزن بطريقة سليمة ويتحضر بطريقة سليمة
مسؤل عن نظافة العمال ونظافة الادوات المستعملة فى تحضير الاكل والمشروبات
مخاطر الاكل
مخاطر الاكل بتكون من الاتصال وطرق الاتصال بالاكل بحاجات ملموسة مثلا زى الازااز مثلا حد بيجيب تلج بكوباية اازاز لو الازاز اتكسر مش هاتعرف تشوفة فى التلج او مثلا الشعر اللى بيقع فى الاكل او بواقى. حديد من المعالق والمعدات المستعملة او الظوافر المطلية او المشغولات الدهبية والمجوهرات .وفى الاتصال بحاجات مش ملموسة زى مثلا المنظفات اللى بنستعملها للتنضيف ممكن يحصل اتصال للاكل بيها او الاكل نفسة يحصلة تغيير كيماوى ويصبح سام زى الأسماك ودة بيكون نتيجة سوء التخزين والطهى في درجات حرارة غير مناسبة ومن اهم أنواع الأسماك اللى ممكن تسبب تسمم لو اهملنا في تخزينها هي (سمك التونة -السمك الأزرق -سمك المكرونة) وبينتج تسمم اسمة هيستامين واعرضة بتظهر من دقيقة لساعتين بعد تناولة والاعراض بتكون كالتالى(احمرار في الوجة -دوخة-صداع-الإحساس بالاغماء-تورم واحمرار في اللسان والفم )
أنواع الاكل المسبب للحساسية:(الحليب -البيض-الأسماك-المكسرات -القمح-فول الصويا ) طبعا دول اهم واشهر استخداما في المطبخ
اكثر الناس عرضة لحساسية الاكل (2% من البالغين -5%من الأطفال وصغار السن)
بما ان مفيش حل لمنع حساسية الاكل فاهم نصيحة هية الابتعاد عن الاكل المسبب للحساسية
في خطوات مهمة لازم نتبعها لما نيجى نتكلم عن حساسية الاكل لانة موضوع مهم
(لو شغال في مطعم لازم جميع عمال المطعم يكون عندهم ثقافة عن الاكل والحساسية اللى يسببها الاكل )
(تحضير الاكل المسبب لحساسية عند الطلب فقط وفى مكان بعيد عن الاتصال بالاكل التانى )
(الوايتر لازم ياخد بالة ويستمع للعميل كويس لما يتكلم عن اى اكل بيسببلة حساسية )
(الواتير لازم يكون على علم ودراية بمكونات اى وجبة ولو مش عارف يسال الطباخ قبل تقديم الاكل مفيش حاجة اسمها سر الخلطة والكلام الفاضى دة
انت كمدير مسؤول او ربة منزل لازم تعرف اية اعرض الحساسية
- صعوبة في التنفس
- تورم في اللسان والفم
- ظهور بقع حمراوطفح جلدى
- هبوط في ضغط الدم
- الاغماء في بعض الحالات
الاعراض دية بتظهر في مدة مابين 5 ل 15 دقيقة وفى الحالة دة رجاء الاتصال بالاسعاف او الذهاب لاقرب مستشفى لعمل اللازم
تحياتى الشيف نصار
$$(¯`·._.·( Now we're Cooking )·._°¯)$$
_________________________________________________________________________________
